Recent Posts

Breaking News

11 bag-ong kaso sa Covid-19 sa Dakbayan sa Talisay, Sugbo


ANG Dakbayan sa Talisay nakatala og 11 ka bag-ong kaso sa Covid-19 ug usa nga naayo niadtong Biyernes, Hunyo 26, 2020.

Sa Facebook post sa City of Talisay Public Information Office Sabado, ang mga bag-ong kaso naggikan sa Barangay Bulacao (1), Lagtang (2), Lawaan (1), Mohon (1), San Roque (2), Dumlog (1), Cansojong (1) ug San Isidro (2).

Tulo sa mga bag-ong kaso mga frontliner, duha niini mga bag-ong nanganak samtang ang uban gikan usab sa komunidad.

Duha sa mga bag-ong kaso ang nakabsan sa kinabuhi.

Si PT (Patient Talisay) 200 gideklara na dead on arrival sa Vicente Sotto Memorial Medical Center (VSMMC). Samtang si PT 208 na-admit sa Talisay District Hospital niadtong Hunyo 23, apan gibalhin siya sa VSMMC sa sunod adlaw ug ngadto na namatay.

Base sa datos sa Hunyo 26, ang syudad aduna nay 232 ka mga kompirmadong kaso, diin 105 niini mga aktibong kaso ug 90 ang naayo sa maong sakit. (RSR)


Source: Sun.Star Superbalita (https://www.sunstar.com.ph/article/1861670/Superbalita-Cebu/Balita/11-bag-ong-kaso-sa-Covid-19-sa-Dakbayan-sa-Talisay-Sugbo?ref=rss&format=simple&link=link)

No comments