Recent Posts

Breaking News

Dialysis patients makauli pa


WALA gihinayon ni Gobernador Gwendolyn Garcia ang iyang gikatakda nga pagluwat unta karon, Huwebes, Abril 7, sa kamandoan labot sa pagdili na pagpapauli sa dialysis patients sa panimalay sa lalawigan sa Sugbo.

Matod ni Garcia nga pugngan una ang maong kamandoan human nga nangayo og konsiderasyon ang Philippine Society of Nephorology (PSN) nga hatagan sila og kahigayonan nga makapadayag sa concern niini labot sa maong kamandoan.

"In consideration of the request of the President and of course the Philippine Society of Nephrology Central and Eastern Visayas Chapter. We are holding in abeyance the executive order and we are scheduling a meeting with the Philippine Society of Nephrology," matod ni Garcia.

Si Garcia nakahunahuna niini sa pagpanagana nga dili makatakod ilang pagpauli.

"Upon request kini sa kadaghanan sad sa mga Mayors ug sa constituents sa constant exposure sa kining mga dialysis patients mouli sa probinsya diin gikahadlokan nga sila unya pod ang makadala sa virus to our towns," matod ni Garcia.

Subay sa kamandoan ni Garcia labot sa dialysis patients, gitanyag niini ang women's center nga iya sa lalawigan aron kapuy-an sa mga pasyente nga walay temporaryo nga mapasilungan samtang nagpa-dialysis pa kini.

Samtang kinahanglan nga ang tanan nga may kapasidad nga makapuyo sa syudad. (ANV)


Source: Sun.Star Superbalita (https://www.sunstar.com.ph/article/1855367/Superbalita-Cebu/Balita/Dialysis-patients-makauli-pa?ref=rss&format=simple&link=link)

No comments