Recent Posts

Breaking News

Nag-amok napusilan sa pulis, patay

DEAD on arrival sa tambalanan ang usa ka 28 anyos nga lalake nga napusilan sa ningresponde nga pulis nga nitubag sa alarma sa pagpusil Martes sa gabii, Marso 31, sa Barangay Tulo-tulo, lungsod sa Consolacion, amihanang Sugbo.

Si Police Staff Sgt. Rextet Arminion sa Consolacion Police Station niila sa suspek nga si Jaykee Neque, 28, lumolupyo sa maong dapit.

Sa imbestigasyon sa Consolacion Police station, si Neque giingong nag-amok, may dala nga armas.

Dugang ni Arminion nga unang gipusil ni Neque ang iyang maguwang nga lalake nibadlong kaniya, apan iyang gipusil.

“Duda mi,Sir, nga nakainom ang suspek base sa naobserabaran dihang miabot ang among mga kauban nga miresponde,”matod ni Arminion.

Ang amahan sa suspek nga si Teodoro nisuway sa pag-uwang kang Neque, apan gitiunan usab.

Ang Consolacion Police Station gitawgan ug naalarma ang gibuhat ni Neque. (BBT)

Source: Sun.Star Superbalita (https://www.sunstar.com.ph/article/1850944/Superbalita-Cebu/Balita/Nag-amok-napusilan-sa-pulis-patay?ref=rss&format=simple&link=link)

No comments