Recent Posts

Breaking News

37th SMB-SAC awards karon na

37th SMB-SAC awards karon na

MANILA, Philippines — Ang mga tang-an nga Sugboanong atleta nga misidlak sa miaging tuig sa tagsa-tagsa nila ka sports discipine maoy masentro sa atensiyon ug maoy mga bida sa 37th San Miguel Brewery-Sportswriters Association of Cebu (SMB-SAC) All-Cebu Sports Awards nga gikatakda karong adlawa diha sa SM City-Cebu Northwing.

Ang mahinungdanong seremonyas nga sugdan sa alas-2 sa hapon pagatambongan ni US swimming champion Brianna Leverenz  nga maoy pinasidunggang dinapit ug mamumulong.

Sila si skateboarding sensation Margielyn Didal, PBA stars June Mar Fajardo ug Greg Slaughter, dancesport power couple  Wilbert Aunzo ug Pearl Marie Caneda, gymnast Daniela Reggie De La Pisa, record-breaking swimmer James Deparine, golf golden girl Lois Kaye ‘LK’ Go, boxing champion John Riel Casimero ug billiards queen Rubilen Amit maoy nangu sa mga major awardees.

Ibayaw sab sa bantawan sa kadungganan sila si Dexter  Bolambao (arnis), Mary Joy Tabal (marathon), Nathalie Uy (pole vault), Alexis Sy (bowling), Niño Surban (cycling), Team Adroit Dota (e-games), Kiyomi Watanabe (judo) ug Sarah Pangilinan (karatedo).

Makig-uban nila silang Sherwin Manangil (obstacle course racing), Aumi Ono (rugby football), Metodio Suico ug Jean Marie Sucalit (sepak takraw), Ditto Nestor Dinopol ug Diogenes ‘Larry’ Avila (shooting), Daniel Ledermann (skateboarding), Mary Ann Antolihao (softball), Richard Gonzales (table tennis), Rinna Babanto ug Aidene Laxa (taekwondo), Andrew Kim Remolino (triathlon), Cherry Ann Rondina (volleyball), Raphael Trinidad (wakeboarding), Elreen Ann Ando ug John Februar Ceniza (weightlifting), Aldrener Ygot (archery), Jerish Velarde (chess), Philippine Accessible Disability Services, Inc. (PADS) Dragonboat Racing Team ug William Go ug Daniel Miranda (motorsport).

Sagad sa mga awardees nakapugnit og medalya atol sa 30th Southeast Asian (SEA) Games diin ang Pilipinas maoy host niadtong 2019. Usa kanila maoy koronahang “Athlete of the Year” nga i-anunsiyo ni SAC President John Owen Z. Pages sa katapusang bahin sa tulo ka oras nga programa.

Duna pa’y laing panon sa mga atleta ug sportsmen nga tunolan og special citation gumikan sa paghatag nila og garbo ug dungog sa nasud pinaagi’emng talento ug kahanas sa paugnat sa kusog dili lamang dinhi sa nasud, apan hasta sab sa langyawng lapyahan.

Kini gilangkuban nilang Dr. Potenciano ‘Yong’ Larrazabal III, Noel Tillor, Azlan Pagay ug Prince Joey Lee (athletics), Jude Oliver ug Marie Rodriguez (arnis), CESAFI Season 19 champion SWU-Phinma Cobras ug SHS-Ateneo de Cebu Magis Eagles uban ang mga MVP sa liga nga sila si Sir Shaquille Imperial ug Leobert Andrew ‘LA’ Casinillo ug ang University of the Visayas SBP team.

Padidunggan sab sila si coach Isaac Bacarisas (baseball), Warren Kiamco (billiards), Rey Caitom Jr., Joe Noynay,

Carlo Demecillo, Mark Vicelles Mark Vicelles ug Dave Peñalosa (pro boxing), Pathricia Mae Sumalinog ug  Bienjemar Codoy (amateur boxing), Jonel Carcueva ug John Mier (cycling), Sugbu Mighty Dragons, Raya Tolentino, Roseton Barinan ug Dean Ebarle (football), Gen Nagai (golf), Leanne Manning (gymnast), Overlimit Jiujitsu Academy, coach Rhodee Ann Saavedra (karatedo), Sylvester Ramirez, Jemarie Josh Ybanez, Zion Alexander Melecio ug Buen Algono (Muay Thai), RheyJey Ortouste (sepak takraw), Learjet De La Cruz (scrabble) ug Roygbiv Barro (practical shooting).

Nagkumpleto sa listahan sa mga pasidunggan mao sila si Jasper Cabrera ug Jerome Bacarisas (softball), Jasmine Alkhaldi, Maxime Rooney ug Raven Faith Alcoseba (swimming), Nica Garces (taekwondo), Arthur Craig Pantino, Tiffany Nocus ug Chad Connor Cuizon (lawn tennis), Moira Frances Erediano ug CJ Lipura (triathlon), ug Floremel Rodriguez, Edmar Bonono, James Buytrago ug Jobert Almodiel (volleyball).

Source: Banat by Philstar.com

No comments